TUTTOZENA
SAVÉI
VÎVE ZÊNA E A
SÒ LÉNGOA
MULTIMEDIA
TESTI IN LINGUA GENOVESE
[ tórna a-i tèsti ]
MULTIMEDIA
TESTI IN LINGUA GENOVESE
A mê Ligùria
Aotô: Stefano L.
Ànno: 2010
Zenéize adêuviòu: zenéize de Sàn Chîgo
Grafîa adêuviâ: grafîa ofiçiâ
Aotô: Stefano L.
Ànno: 2010
Zenéize adêuviòu: zenéize de Sàn Chîgo
Grafîa adêuviâ: grafîa ofiçiâ
Ma gh'éi mâi
pensòu? Diéiva che ògnidùn, conpréizo quélli che gh'é ciù câo dî ch'én
fìggi do móndo (dæto che a scénsa a l'é ariêscîa a dimostrâ che sémmo
tùtti pægi), o l'à 'n cheu a seu çitæ ò a seu tæra. E fintànto che no
se càzze in estremìsmi (ò armêno: che ghe càzan, mi m'é ciù câo stâne
fêua) l'é ànche bèllo stâ-a sentî cöse pénsa-e génte.
Gh'é chi dîxe che ghe piâxe stâ ónd'o vîve «scibén che chi gh'é tànte scomoditæ» (o mogógno o l'é irinonçiàbile); gh'é chi o l'é conténto perché ónd'o sta «se ghe peu demoâ: negòççi, cîne, discotêche...» (e de sòlito, chi conténto o no-o l'é, l'é perché amànca pròpio sti lêughi da demôa); gh'é chi gh'à a mænn-a sótt'a cà e chi i mónti e i sentê.
Gh'é apeu i apascionæ: liâtri, fêi d'êse nasciûi inte quéllo determinòu pòsto, pàsan e giornæ a desfugiâ i lìbbri de stöia a-a riçèrca de dâte inportânte, de nêue cöse da conósce 'n sce quéllo lêugo, de discórsci de gréndi personàggi.
E mi? Mi me bàsta fâme vegnì'n cheu, pe quélle pòche vòtte ch'ò posciûo gödî de 'na vixón scìmile, l'inténso riflèsso do sô ch'o se spêgia in sciô bleu ciæo do mâ, vìsto da 'na crêuza da rivêa, ch'o te brûxa i éuggi into mâvegiôzo insémme do giâno da lûxe, do bleu de l'ægoa e do vèrde di èrboi. Sta chi a l'é a mê Ligùria.
Gh'é chi dîxe che ghe piâxe stâ ónd'o vîve «scibén che chi gh'é tànte scomoditæ» (o mogógno o l'é irinonçiàbile); gh'é chi o l'é conténto perché ónd'o sta «se ghe peu demoâ: negòççi, cîne, discotêche...» (e de sòlito, chi conténto o no-o l'é, l'é perché amànca pròpio sti lêughi da demôa); gh'é chi gh'à a mænn-a sótt'a cà e chi i mónti e i sentê.
Gh'é apeu i apascionæ: liâtri, fêi d'êse nasciûi inte quéllo determinòu pòsto, pàsan e giornæ a desfugiâ i lìbbri de stöia a-a riçèrca de dâte inportânte, de nêue cöse da conósce 'n sce quéllo lêugo, de discórsci de gréndi personàggi.
E mi? Mi me bàsta fâme vegnì'n cheu, pe quélle pòche vòtte ch'ò posciûo gödî de 'na vixón scìmile, l'inténso riflèsso do sô ch'o se spêgia in sciô bleu ciæo do mâ, vìsto da 'na crêuza da rivêa, ch'o te brûxa i éuggi into mâvegiôzo insémme do giâno da lûxe, do bleu de l'ægoa e do vèrde di èrboi. Sta chi a l'é a mê Ligùria.
Publicòu in
sciô Gazzettino
Sampierdarenese Anno XXXVI - N. 11,
dexénbre
do 2010
[ tórna a-i tèsti ]